政情：公民講場：林子健判囚 抽水變潛水 林卓廷遭圍攻

民主黨成員林子健前年聲稱被迷暈擄走並施虐，但事後旋即被揭發涉嫌老作而被捕，前日更被判罪成入獄五個月，目前正保釋等候上訴。猶記得林子健當日高調召開記者會，多名黨友包括立法會議員林卓廷都有陪同，但前日判刑時就人丁單薄，真係盡顯人情冷暖。不過一眾網民未有忘記，仲紛紛去林卓廷嘅社交網站專頁洗版，有人叫佢回應案件，有人問佢點解唔去法庭支持林子健，更有人質疑佢「開頭湧晒出嚟抽水到今天銷聲匿迹」，實行天下圍攻林卓廷。其實林卓廷已經講咗為免影響法庭程序，暫時不便評論，不過網民似乎就唔收貨。而林子健尋日就拍片堅稱自己係無辜「被屈」，又話對香港前景感到悲觀，叫有能力嘅港人應該離開香港。