政情：曾蔭權出獄後 首公開見鬍鬚曾

被裁定一項公職人員行為失當罪罪成嘅前特首曾蔭權爵士，今年一月中刑滿出獄，自此間唔中都有出席公開活動。有讀者報料指，尋日中午目睹曾蔭權同太太曾鮑笑薇參觀西九文化區戲曲中心，陪伴左右嘅係曾蔭權兩名前下屬，即身為主人家嘅西九文化區管理局董事局主席、前政務司司長唐英年（唐唐），以及前財政司司長曾俊華（鬍鬚曾）。