政情：公民講場：DSE考生年年減 考評局泵極水都蝕

文憑試（DSE）就嚟開考，一班考生依家應該好努力咁咪書。之不過，負責考試嘅考評局就大煲嘞，事關該局連續四年錄得虧蝕，該局秘書長蘇國生話DSE考生不斷減少為該局帶嚟經濟壓力，喺持續開源節流下仍錄得七千萬元虧損。被問到施政報告提出向該局提供三億六千萬元非經常撥款，蘇國生就話會按每年考評局情況撥款。話時話，考評局嘅財政狀況年年見紅，未來幾年DSE嘅考生會繼續減少，睇怕有條大水喉係咁泵水畀考評局，都止唔到蝕。