政府部門面對問題鬥卸責，務求將責任唔上身，已經幾乎冇得醫。本月底卸任申訴專員嘅劉燕卿臨別向政府贈言，特別提到調查大多數涉及多個政府部門，經常遇上部門之間互相推卸責任或各自為政，部分部門更抗拒轉變，佢呼籲部門面對市民訴求時，應履行「一個政府」概念，以公眾利益為重。始終部門之間唔係一條分界線，權責理應係齊上齊落，否則各家自掃門前雪嘅心態持續，最終只會被市民唾棄。
