政情：容海恩麥美娟 約埋傾湊女經
立法會議員麥美娟（Alice）同容海恩（Eunice），一個雲英未嫁，一個就啱啱誕下女兒，但兩人竟然相約在三八婦女節大談湊女經。Alice話見Eunice生完BB後，大家都未食過飯，所以就趁最近立法會休會期間聚吓，結果就咁啱約咗喺婦女節，佢就講吓點樣照顧其四歲大嘅姪女，Eunice就分享吓做新手媽媽嘅心得。
姊妹心連心 互贈小禮物
其實約埋唔止係食飯，兩人仲不約而同地準備咗禮物送畀對方，Alice準備咗潤手霜，Eunice就送鮮花。兩人都話，雖然平時喺立法會成日見，但就好少坐埋一齊食飯傾偈，事關大家各有各忙，今次食飯都係忙裏偷閒，之後仲要做地區工作，所以難得相聚就決定送啲小禮物氹吓對方開心，都稱得上姊妹心連心喇！