近年唔少無家可歸嘅人夜宿於廿四小時營業嘅快餐店，有組織調查發現，呢啲被稱為「難民」嘅無家者人數又創新高，去年底達四百四十八名，較前一年增加逾一成六，較一三年同類調查更飆升近七倍。無家者輪候公屋困難，劏房租金昂貴又住唔起，負責搵地、起公屋嘅發展局局長黃偉綸、運輸及房屋局局長陳帆，見到呢啲場面唔知有咩感受？定係已經見怪不怪？
