政情：梁湘東研洗衣機械人 幫輕主婦

笑言帶起好多熱潮

帶起家居機械人潮流嘅香港品牌聯合會會長梁湘東（Thomas）就話，希望下一步可以做更多機械人出嚟，變成屋企嘅洗衣機等，幫輕家庭主婦或家傭嘅家務負擔。

Thomas做電器出身，佢笑言好多熱潮都係由佢帶起，例如吸塵機及抹窗機等。近年因抹窗而發生嘅意外愈嚟愈多，Thomas就話，經過多年嘅改良發展，依家抹窗機械人嘅安全系數提高咗好多，幾乎唔會跌o架喇！

咁最近有咩新搞作？佢笑笑口話，啱啱推出一部抽油煙機，煮食時真係乜嘢油煙味都冇，連煲中藥都聞唔到，啱晒依家愈住愈細，焗住要採用開放式廚房嘅家庭使用。