我有正能量：陪童成長
香港父母經常將「贏在起跑線」掛在口邊，誓要為子女提供優質讀書環境及良好發展機會。然而，部分家庭物資匱乏，小孩每日睜開眼要擔憂的，不是要上多少個補習班或課外活動，而是父母生計能否負擔整家人開支，甚至會否被迫遷。有組織推行義工配對計劃，向有需要兒童提供社交、學習等援助，讓他們增廣見聞、發展興趣。
超強颱風山竹於一八年九月襲港，吹塌大角咀一間天台屋，事件引致屋宇署重新審視該區天台屋僭建情況，大量天台屋住戶被迫搬走，包括七歲的小慧及其家人。他們一家現時以六千元月租租用天台屋單位，惟因政府要求拆卸違規建築物，他們須於二月底前搬離。林媽媽因持雙程證未能工作，全家只靠丈夫八千元工資，「老公身體唔係咁好，都係靠社工先搵到依家份工，但我哋睇過樓，八千蚊根本租唔到啲咩。」
義工一對一帶領增廣見聞
生活重擔不只住屋，女兒發展亦成為林媽媽心中遺憾，「我冇乜讀書，冇乜文化，唔想個女都係咁。」女兒雖愛好彈鋼琴，惟能力有限，只能到坊間不同機構找資源，例如教會免費學琴等，為的是讓女兒更全面成長，「我依家返唔到工，如果可以，我朝頭早一份，夜晚一份，辛苦啲都冇所謂！」
經社區組織協會的一對一義工配對計劃，醫生劉雅文獲分配成為小慧的義工，帶她見識世界。劉坦言，起初曾擔心能否與小朋友相處，「我一開頭擔心佢會唔會好怕醜，講唔講嘢，但好彩佢唔怕生保，好快就混熟。」該計劃規定義工每月與兒童相處至少三十小時，劉雅文會帶小慧到不同地方走走，「我知佢鍾意鋼琴，會帶佢聽演奏會，又會帶佢去平時唔會去嘅地方，好似中環咁。」
受助家長盼將來回饋他人
小慧參與計劃後，見識比以往豐富，更會在生活上充當指導角色，令林媽媽深感滿足，「有時我講嘢比較粗魯，佢會提醒我細聲啲講嘢，斯文啲；又會帶我去之前未去過嘅地方。」她認為，現時生活雖然充滿困難，但只要堅持總能解決問題，「我依家冇能力，要人哋幫我，但我都可以帶囡囡派飯，探吓公公婆婆，等小慧長大之後再回饋幫番其他人。」
文：陳綺雯
圖：關萬亨