上年庫房水浸，政府喺強大民意下先肯「補漏」派錢，不過呢四千蚊尋日先開始接受申請，籌備差唔多一年，依然係瘋狂甩轆，表格眨吓眼就派晒，熱線電話冧檔唔通，有人希望職員列印新表格，竟然被要求自備白紙。當日財政司司長陳茂波（波叔）公布派錢，已經被人鬧爆準則複雜難明；依家正式申請，又搞到一鑊粥，派錢都派到天怒人怨，波叔呢一年到底有無反省過呢？
