奈月紗奈 超班完美Body

日本寫真界索女眾多,雖然前年原幹惠因為同事務所有合約糾紛而冇晒聲氣,上年又有杉原杏璃嫁人而封胸,但係仲有好多現役寫真女郎值得大家支持,好似奈月紗奈就被喻為擁有「超規格Body」,即係話佢超晒班呀!

要乜有乜

早幾年日本寫真界出現咗兩位高挑索女,一個係綺麗又不失可愛感覺嘅片山萌美,另一個就係被稱為「寫真界最強Body」嘅冷艷美人染谷有香。無獨有偶,呢兩位美人兒都靚女又好波,而且身材高挑,簡直係男士們嘅夢中女神。之不過,近年兩位索女都踩入電視界,減少咗拍寫真,但係大家唔使擔心,因為奈月紗奈呢位極品新人同佢哋一樣要樣有樣,要身材有身材!

22歲嘅紗奈擁有一副正統派俏麗美貌,身材更係Fit到震,唔單止有5呎7吋高,三圍有35-24-34,婀娜得嚟胸前嘅G奶又大又脹卜卜,唔怪得被稱為「超規格Body」。

氣勢如虹

紗奈喺2015年代表日本參加國際小姐比賽,雖然最後落敗,但係其超班質素就深深吸引男士,後來仲被藝能事務所睇中,上年便踏上寫真女優之路!紗奈喺寫真事業上發展可謂一日千里,且氣勢如虹,上年一共推出咗3部寫真映像作品,每部都叫好叫座,首部作品《今、ココから…》以及第二部作品《セレナーデ》更成為DMM、樂天及亞馬遜三個網站嘅日本寫真偶像作品銷量榜冠軍!近期紗奈喺一個叫做「EX MAX日本寫真偶像大獎」中奪得亞軍,認真夠晒威水!而除咗拍寫真,嚟緊佢亦會參與電視節目以及網絡直播節目,曝光率大大增加,相信人氣必定爆燈!

奈月紗奈 Profile

年齡:22歲

身高:5呎7吋

三圍:35G-24-34

社交網站

簡介:早前奈月紗奈忙於宣傳寫真集,近期需要休息一下,從其社交網中大家可以睇到阿妹經常同朋友去飲飲食食,生活相當寫意。

網址:https://twitter.com/senap_official

撰文:賢