依家全港只有八個回收商獲政府發牌處置電器廢物，但佢哋運作不一，八間當中只有一間免費上門回收，而其餘嘅回收商竟然要求儲夠一定數量嘅電器先可以上門，否則就要收運輸費。明明八間做回收，但只有一間先有政府補貼，有回收商就鬧爆政府不公，只係資助一間之餘，發牌門檻又極高，而且對回收商嘅處理要求都各有不同，擔心未來又會出現廢電圍城添！話時話，四電一腦都落實咗成四個月，但係啲配套都仲搞唔掂，唔知環境局局長黃錦星瞓醒未呢？
