政情：議員換身份證 容海恩教路帶面油紙

Eunice尋日準備十足，唔止帶埋把梳去整理頭髮，亦預備咗有領嘅深色西裝褸兼化咗個淡妝「上陣」。佢解釋話，妝容反映時代，亦會出賣女性年齡。正懷孕嘅佢又話，大肚期間影相換新身份證特別有紀念價值，又話好彩依家都冇因懷孕而面部浮腫。佢仲拎依家用緊嘅身份證出嚟，講笑話自己張相似已故武打巨星李小龍，男仔頭溝死女咁話。

一舊雲最關心螢幕衞生

而一舊雲就特登洗頭同吹頭再去影相，覺得新身份證張相會比較好睇，因為以前換證時頭髮太短似箭豬，加上依家已經唔使戴眼鏡，冇反光問題喇。佢又話，自己換證時有留意每個程序，不過就特別關心觸控螢幕嘅衞生。