2018 AV女優大事回顧

最傷透心 吉澤明步

嗚嗚嗚！好多AV迷都話2018年最令人心痛，原因係有好多具實力嘅AV女優引退，包括辻本杏、水野朝陽、吉川愛美、上原花戀、長谷川瑠衣、吉川蓮、鈴木心春等等，真係多到數唔晒呀！除咗佢哋之外，仲有兩位AV天后宣布引退，其中一個就係火辣迷人，早就已經係圈中富婆嘅明日花綺羅，另一個則係出道15年，多年來都以高超床技及非凡魅力，迷倒老中青嘅AV天后吉澤明步喇！早前明步表示會做到明年3月就會引退，所以大家要多多珍惜明步嘅作品呀！

最出人意表 橋本有菜

「DMM成人大獎」頒獎禮一直備受重視，今年完成嘅一屆亦成為話題，當中最受注目嘅獎項係「最優秀女優」，入圍名單中有唔少實力派女優，包括有「7冠王」之稱嘅高橋聖子，而聖子亦坐定粒六攞獎，結果佢只係得亞軍，至於冠軍居然落喺被視為冷門嘅長腿妹橋本有菜手中，難怪唔少人都表示今次賽果最出人意表，令人大跌眼鏡！

最誠意之作 《瘋狂到底》

今年最受注目嘅日本電影係邊部呢？唔少人都認為係引起極大回響以及叫好叫座嘅搞笑電影《屍殺片場》喇！佢喺日本大賣並成為城中熱話，唔少人大讚電影雖然係小本製作，但卻有誠意及心思無限，亦因為咁，熟女天后風間由美都要惡搞一番，拍咗部《瘋狂到底》，封面炒足電影海報，故事內容係由美姐將好多AV界不為人知嘅秘密揭露於人前，同時亦不失刺激交歡場面，絕對係今年最值得推介嘅誠意之作！

最貼地親民 SOD女子社員酒場

AV迷想同心儀嘅AV女優近距離接觸絕對唔容易，最多都係參加握手會同攝影會活動，才可以有機會同女優握手同合照。而要數到最貼地、最親民嘅AV廠就一定係SOD喇，因為廠方喺今年4月於秋葉原開設SOD女子社員酒場，提供飲品同小食之外，最重要嘅係會安排AV女優落場招呼客人，唔使等攝影會、握手會就可以隨意同女優見面，簡直係將AV迷同女優嘅距離拉近一大步！

最驚嚇 愛滋疑雲

喺今年8月發現有一位AV女優對於愛滋病測驗呈陽性反應，消息一出，搞到AV界人人自危。後來經過一番追查之後，搵出曾經與該位女優交過手嘅19位男優進行檢測，結果當中冇人中招，真係好彩！

撰文：賢