政情：公民講場：羅致光力爭院舍輸外勞 要同勞界拗手瓜

政府撥款資助院舍加護理員嘅薪酬，諗住可以減低流失，點知實情不似預期，莫講話未能止血，亦冇新血入行，於是業界打晒開口牌，話要輸入外勞先得。老實講，政府都有呢個諗法，但係勞工界擔心外勞搶本地工人飯碗，大力反對，唔准政府僭越呢條死線，若果勞工及福利局局長羅致光以為單憑利誘留唔住人，就可大條道理順勢輸入外勞嘅話，佢就太天真、太傻，佢仲有乜板斧同勞工界拗手瓜？大家拭目以待嘞！