中環出更：立法會「主席位」唔見咗！ 暗示個位危危乎？

張櫈破損 移走修補

呢個打卡熱點，實際用途真係冇乜，但今時今日，就連食飯都係相機食先，有個位可以扮主席同扮議員，好多訪客自然行過路過都唔會錯過。唔知係咪太多人做唔到主席都想扮吓，呢個仿主席位張櫈爛咗。立法會秘書處話，發現仿主席位出現破損，前日移走佢以作修補。

聽講仿主席位張櫈皮爛咗少少，所以要送去整，估計都要明年先整得番好嘞。至於隔籬個仿議員座位就似乎冇事，張櫈仲喺度。唔知係咪上天暗示立法會主席個位坐唔穩呢？不過立法會大會尋日休會後，下次開會要等到明年，或者到時已經「逢凶化吉」嘞！

卓妮