男人睇賽車，最難忘嘅唔係激烈嘅比賽，而係美艷迷人嘅賽車女郎呀！想再睇到班車女出嚟搔首弄姿唔使等到出年，因為日本寫真界有一位「史上最可愛賽車女郎」加盟，佢就係藤木由貴喇！
日本賽車女郎好多都又靚女又好身材，因而經常被寫真界睇中，然後成為出色又具人氣嘅寫真妹，好似以美巨尻聞名嘅安枝瞳就係最佳例子。可惜，瞳妹喺上年嫁咗畀騎呢歌手PIKO太郎，家陣專心相夫教子，大家想再欣賞佢嘅性感演出應該冇乜機會喇！不過大家唔使灰心，因為近期有另一個賽車女郎加入寫真界發展，佢就係26歲嘅藤木由貴。
阿妹生得標致又甜美，一副笑顏天真無邪兼且充滿治愈感覺，令人心曠神怡，仲擁有一副養眼身材，勻稱婀娜之餘，而且相當有健美感，一睇就知道充滿活力，肌膚滑溜又彈手。
知唔知藤木由貴喺出道成為賽車女郎之前，係做咩工作呢？話說佢高中畢業之後，就去到職業先修學校修讀糕點製作班，完成課程後去咗一間餅店工作。好彩阿妹冇專心做好呢份工咋，否則佢冇轉行做賽車女郎嘅話，我哋家陣就冇眼福喇！
以賽車女郎身份發展，由貴可以話喺行內威到開巷，自2015年參加日本賽車女郎大賽憑實力攞獎攞到手軟，更加被喻為「史上最可愛賽車女郎」。而今年由貴妹進軍寫真界，發展亦相當理想，喺6月推出首本寫真集之後，更獲得拍劇嘅機會，最近仲推出寫真月曆，睇嚟阿妹前途無可限量。
簡介：現時藤木由貴仍主力做賽車女郎，從其社交網中可以睇到佢演出時嘅情況，以及與其他車女嘅有趣互動，大家不妨Click入去睇睇，感受一下由貴有幾可愛。
網址：https://twitter.com/yukichii927?lang=ja
年齡：26歲
身高：5呎3吋
三圍：33-24-34
撰文：賢