借錢食飯 兩女疑騙財
【本報訊】街頭行騙手法層出不窮，有人會向途人借錢「搭車」，亦有人借錢「食飯」。有網友在網上發文，聲稱在馬鞍山遇上兩名懷疑女騙徒，企圖向男途人借錢食飯，事件惹來網民熱議，有人更建議立即報警，請對方食「皇家飯」。
網民Jan Chim在Facebook群組「馬鞍山之友」上載了一張照片，並分享事件經過。事發於前日傍晚，現場是馬鞍山中心附近，從照片可見，一名穿着藍色裙及孭住黑色背囊的紮馬尾少女及一名提着手袋的黑衣女子，正與一名男子在談話。發文者稱：「兩名操普通話女子在馬鞍山中心四處叫人請食飯。」懷疑對方「食飯為名，呃錢為實」。
網民促報警請食皇家飯
不少網民都在留言中譏笑該兩名女子：「食少餐當減肥啦，仲食」、「我都無啖好食，做乜要買嘢畀佢食？」有網民認為應該要報警：「搵警察叔叔請佢哋食皇家飯」、「帶佢去馬鞍山警署喇，裏面飯堂好正o架」，亦有不少網民表示曾在沙田、烏溪沙及大埔等地方遇過類似手法的騙徒。不過亦有人質疑事件的可信性：「得張圖，點講都得！」