中環出更：葉劉楊立門有緣 曾拍檔做傳譯
有「AO歌王」之稱嘅民政事務局前常任秘書長楊立門（Raymond）與立法會議員葉劉淑儀同樣係公務員出身，曾經合作過不足為奇，但兩個人竟然連做即時傳譯工作都做過拍檔，都幾有緣分喎。
難得兩個兼職上場
Raymond話當年政府只有十幾個兼職即時傳譯員，有需要先要出動兼職，但兼職基本上只會同全職合作。而佢同葉劉同為兼職，竟然會有一次由兩個兼職上場，就促成咗佢哋唯一一次合作傳譯嘅機會，計落應該有廿年咁耐添！
佢仲話兩個人做傳譯要合作，因為講夠十五分鐘就要轉人接力，換句話兩個人要無縫交接，難怪佢話要有合作性喇。而佢上年仍有做傳譯工作，但現時出任香港中華廠商聯合會行政總裁就再冇時間。
葉劉話雖然要請假先可以做兼職即時傳譯員，但為免仍然畀人誤會署長顧住秘撈唔返工，佢升至署長後就無再做傳譯，將機會留番畀後生咁話喇。
卓妮