政情：陳克勤重溫舊夢 想做「康樂棋傅家俊」

話說克勤日前喺社交網站上載咗兩張相，並留言話要重溫舊夢。乜嘢舊夢呢？咪係篤波囉！講到篤波好自然就諗起係桌球，但克勤所玩嘅就係「平民桌球」，即係康樂棋。佢話，想當年喺中學同社區中心嘅新潮玩意就係康樂棋喇。

憶中學玩平民桌球扮大人

佢又話，當年桌球價格高昂，中學生消費水平有限，所以就透過玩康樂棋扮大人，又話或者當年嘅七十後同今日嘅千禧後品味喜好各有不同，但有一點係千古不變，就係喺在學期間總希望快啲長大成為大人，所以「平民桌球」自然大受中學生歡迎，每到小息、午膳、放學，個個都化身成為「康樂棋傅家俊」嘞。

依家變咗大人嘅克勤可能都好想回到中學時，所以佢就特登喺街頭打番場康樂棋，搵番做「康樂棋傅家俊」嘅感覺。