法庭：梅媽申基金20萬補擺91歲大壽
【本報訊】已故樂壇天后梅艷芳的母親「梅媽」覃美金，昨日再次現身高院，要求從梅艷芳的遺產信託基金提取逾廿萬元，以支付她「補擺」九十一歲大壽的開支。但梅媽因「漏招」，令索錢申請無法即日處理，需再排期聆訊，梅媽對此大感不滿，又指索錢受諸多掣肘，埋怨法官陳江耀留難她。陳官反駁：「我無留難你！依家唔係清朝，唔似啲官咁，有無限權威，我都係根據法律做事」。
現年九十五歲的梅媽昨在庭上透露，梅艷芳在生時，已替她六十一歲時「擺大壽」，她七十一歲時女兒還帶她到海洋皇宮設宴，但她八十一歲時，女兒剛過身，此後她再沒擺大壽。梅媽指：「唔通九十一歲唔做（大壽）呀？朋友都話我『你仲有幾多個九十一歲吖？』我都有朋友（口架），唔通求其擺幾圍就算？」梅媽表示，擬明年三月在灣仔一間酒店筵開卅多席宴請親朋，開支將會實報實銷。
有遺產受益人未獲通知 聆訊再排期
惟法官發現，昨日只有遺產受託人滙豐國際信託派代表出庭，遺產受益人之一的妙境佛學會，卻未獲通知出庭；佛學會僅透過滙豐始知今次申請，他們均表明反對梅媽索錢。
梅媽遂與法官爭持：「法官你即係留難我啫，我點同酒店交代？已經訂咗位……劉培基攞錢又有無問過咁多人先？阿梅有無話要綑住我，乜都唔畀我使？」法官不再與梅媽理論下去，只勸她盡早向佛學會送遞申請文件，並表示會替她「排過快期」去處理。
案件編號：HCMP 2981/2004