法庭：休班警涉盜櫃機八千元
休班男警涉嫌在櫃員機提款後，將遺留另一部櫃員機的八千元順手牽羊，被控一項盜竊罪，他否認控罪，案件昨於九龍城法院開審。閉路電視片段可見他撳錢時忙着用手機，提款後突然折返，拿走鈔票後擾攘一番才離開。被告致電銀行熱線指以為鈔票是自己的，銀行替他確認錢並非從他戶口提取，當時他表示會將錢歸還，但從未行動。法庭裁定案件表面證供成立，將案押後至明年一月三日續審，被告將出庭自辯。
被告劉元明（卅八歲），女事主陳美娟供稱，去年七月四日晚上約十時四十分，到九龍城福佬村道的滙豐理財易中心先轉帳後提取八千元，但沒取錢便離開，約兩分鐘後折返錢已不翼而飛。閉路電視錄影片段可見，被告在同一時間使用陳隔鄰的提款機，他處理完自己的交易後步向出口，但突然折返到陳之前使用的櫃員機，拿起出錢口的鈔票，擾攘一會後拿着錢離開。
稱唔敢拎去差館 「帶挈夥計」
被告於七月五日凌晨十二時許致電銀行熱線，庭上播放有關錄音，被告向職員稱自己轉帳後再提款八千元，同時又忙於影相傳訊息：「我攞完錢聽到嘟嘟聲返轉頭，見到部機有疊錢，咁啱又係八千蚊就攞起咗，諗住放入銀包時見到銀包入面已有八千蚊，咁嗰八千蚊邊度嚟嘅呢？」他聲言：「唔敢拎去差館，一陣銀行又話啲錢原來係我嘅咁點算。」
職員確認其戶口當晚只有一次提款八千元的紀錄，着他將錢交回櫃員機所屬分行或交到警署。被告聞言說：「要拎去差館就好頭暈好麻煩喇，其實我自己就做警察嘅，好似要帶挈啲夥計咁。」又說「我唔會將啲錢據為己有啦，係我就唔會打嚟，最緊要肯定啲錢唔係我自己嘅啫。」他更要求職員替他記錄曾來電查詢一事，「唔係銀行發現唔見咗錢報警，掉番轉我要畀人拉，我費事上身。」並稱過兩天放假將錢交回分行。
被告今年二月被捕，警誡下他稱：「當時我曾經響櫃員機提過錢，走嘅期間我突然聽到櫃員機發出響號，我就返轉頭，見到機有八千蚊響度，我即刻攞番，因為頭先我撳係撳咗八千蚊，我就點算銀包內嘅錢，睇吓係咪漏咗唔記得攞錢，之後我仲打電話去滙豐銀行熱線電話，查詢撳機時有冇攞多咗錢，或者部櫃員機有冇故障，我留低咗啲資料等滙豐銀行覆。」
案件編號：KCCC 2089/2018