國強及家欣是屋邨管理處職員，早上他們巡察屋邨，當家欣經過垃圾收集處時突然被一個飛快飄過的黑影嚇到，仔細一看，發現黑影原來是一隻老鼠。
家欣嚇得驚惶失措地說：「哇！最近屋邨嘅衞生環境大不如前，後巷垃圾堆積如山，咁樣嘅工作環境實在令人難以接受。」
國強回答：「骯髒環境除令人難以忍受，亦增加老鼠孳生機會。家居垃圾及食物殘渣處理不善，都是老鼠食物來源，垃圾間及排水通道亦容易成為老鼠匿藏地點。」
家欣憂心忡忡，更擔心自己的工作健康：「最近從新聞得知香港發現鼠傳人戊型肝炎個案，到底同我哋嘅工作有無關係？」國強道：「當然有啦！除咗呢宗個案，仲有其他鼠傳疾病，如：鼠疫、鼠斑疹傷寒及斑疹熱等等。呢啲疾病可透過老鼠咬傷、排泄物及寄生蟲侵入人體，因此必須加倍留意工作場所有否鼠患發生。所謂預防勝於治療，改善衞生環境杜絕老鼠食物、匿藏處及活動路線先係杜絕老鼠繁殖根本方法。」
家欣詢問國強：「我哋屋邨現時鼠迹處處，應該點作出對策？」國強：「我哋一陣返辦事處就打電話畀清潔公司要求加緊清潔，再聯絡食物環境衞生署研究滅鼠方法，例如以毒殺或誘捕方式直接滅鼠。記得處理鼠隻屍體要避免直接接觸，可透過鉗及雙重膠袋妥善處理，最後更要徹底消毒鼠屍觸碰過嘅地方，同埋洗手。」
職業安全健康局
www.oshc.org.hk