葵涌公園嘅前身係醉酒灣堆填區，但復修後十七年仍未開放，審計署早前批評進度唔理想。立法會帳委會尋日亦發表報告，對堆填區復修出現延誤同欠缺有效跨部門協調深感遺憾，認為不可接受，仲認為負責嘅環保署、康文署同民政事務總署冇共同努力解決技術限制同障礙，令工程延誤同超支，不可接受。老實講，係人都知政府官僚、部門各自為政，搞到葵涌公園曬咗咁多年太陽，嘥晒啲土地資源，梗係鬧爆唐智強、李美嫦同謝小華呢三個唔協作嘅署長喇！
