喺南韓呢個出名多性感迷人模特兒嘅地方，如果想突圍而出，單憑樣貌同身材係唔夠，仲要識得點樣表現自己，先至可以成功上位，模特兒李多喜不但精於此道，更以拚勁十足嘅形象而獲得大家嘅歡心。
李多喜今時今日已貴為南韓人氣模特兒，但原來入行前佢冇諗過做Model，細個時嘅夢想係成為一位旅遊作家，不過要圓夢首先要有經濟條件，於是佢搵兼職賺快錢，經朋友介紹下做咗攝影模特兒。由於性格執着，每次工作都對自己嘅要求相當高，當時有一位前輩就同佢講，要識得喺鏡頭前做好自己，展現自己同其他人唔同嘅魅力才會成功，得到前輩嘅指點後，多喜不但獲益良多，而且愈嚟愈鍾意模特兒呢份工作，漸漸亦積累咗唔少人氣。
及後事務所安排佢以車模身份喺釜山舉辦嘅國際車展上亮相，一身低胸晚裝登場嘅佢，胸前深溝固然養眼，同時散發出熱情氣質，令人留下深刻印象，有人更稱多喜嘅出現令現場嘅溫度提升唔少，就係呢次初演，成功打開佢嘅模特兒之路，同時亦成功令佢熱情形象烙印喺大家嘅心中。
不過多喜並冇自滿，反而覺得自己嘅表現仍有不足，尤其係對鏡頭唔夠敏銳，於是佢努力學習，而且工作態度更加進取，先後喺多個大型展銷活動以Show Girl身份登場，累積更多演出經驗後，表現愈嚟愈好，而且獲得唔少演出機會。2014年時以嘉賓身份參與電視台嘅綜藝節目，同年又以賽車女郎身份喺賽車活動上亮相，性感迷人嘅賽車女郎造型，令人眼前一亮，之後多個品牌搵佢拍廣告，甚至有手遊開發商搵佢拍攝造型照。
按道理呢種發展，已令唔少模特兒覺得滿足，但係對多喜嚟講卻仍未足夠，反而更加積極向前衝，及後佢參加第4屆韓國賽車模特兒大賽，成功打入最後10強，並奪得最具攝影潛能獎，令人氣直線上升，更獲得車隊簽約成為專屬模特兒。近年佢頻頻喺賽道上亮相，同時亦喺攝影及車模界大展拳腳，實行作三棲發展。多喜表示之所以能夠咁積極，皆因佢一直抱住不斷向前嘅宗旨，務求令自己嘅明日一定要比今日好。
簡介：李多喜激凸嘅上圍令佢每次現身，都會成為鏡頭前嘅焦點，問到佢最滿意身體邊個地方，原來係一對美腿。如果大家想了解佢多啲嘅話，就要Click入呢個網站喇！
網址：http://cafe.daum.net/visualmaker-dahee
出生地：首爾
身高：170cm
三圍：36-25-36
撰文：魂