政情：公民講場：泳池有米田共康署監管不力

好多市民都會去公眾泳池游水，但根據政府公布嘅統計數字，康樂及文化事務署管轄公眾泳池，喺舊年有二百四十四宗發現糞便個案，較前年大增逾三成二，有救生員工會仲話出現糞便或嘔吐物嘅情況見怪不怪添！老實講，公眾泳池嘅衞生情況好明顯係愈嚟愈惡劣，搞成咁，一來係市民嘅衞生意識問題，但好大程度都係康文署監管不力，署長李美嫦當然責無旁貸，唔該佢着緊啲諗辦法點樣提高市民嘅衞生意識，同時要確保泳池水乾淨。