政情：收料站：朱凱廸謀再戰區選 黎偉雄唔敢退休

朱凱廸

早前有村民出招阻朱凱廸參選，反對佢登記做選民，從而挑戰埋佢入閘參選資格。地區人士估計，曾經挑戰元朗區議會嘅朱凱廸，連村代表都睇中，推斷佢大有機會明年再接再厲出戰區選。因此，建制方面需要避免競爭，否則將令朱漁人得利，聽聞上屆贏咗朱近一千四百票嘅元朗區議員黎偉雄，本身想退休，都被迫爭取連任。

• 黎偉雄

另外，有熟悉鄉事人士表示，雖然朱躋身鄉議局難度高，但一眾鄉紳都嚴陣以待，全因擔心佢做咗村代表會披露鄉事會會議內容。不過村代表工作有別於立法會議員，唔能夠靠晒議員助理幫手，反而要親力親為，所以鄉紳質疑朱到時根本兼顧唔到村代表工作喎。