政府擬將產假由十個星期延長至十四個星期，而勞顧會僱主代表、工總主席郭振華話現階段唔反對延長有薪產假，但因為依家勞工市場缺人，如果要延長產假，就要解決企業未能搵到替工嘅問題。老實講，有消息話喺撤銷強積金對沖，政府會加碼補貼到近三百億元，商界已經攞晒甜頭，依家只係多嗰四個星期產假啫，仲拎咁多藉口出嚟，係咪想叫啲員工生完就返工，咁延長產假等於形同虛設，根本喺度諗縮數啫！
