政情：李梓敬被抄牌 梁文廣所累？
違例泊車真係唔啱o架，深水埗區議員李梓敬尋日中午出完一個活動後，喺旭日街攞番架車時，疑因違例泊車而食「牛肉乾」，之後仲等埋同區另一個區議員梁文廣先開車走，唔通係梁文廣累佢被抄牌？
放咗袋嘢喺車度
事發嘅時候，李梓敬架車前後嘅車都已經開走咗，佢架車泊喺路邊，阻住後面嘅車行駛，而喺附近亦有啲車已被抄咗牌，據知佢嗰架都中招。
不過佢之後冇即刻駛走部車，原來，梁文廣放咗啲嘢喺佢部車度，佢等梁文廣拎走袋嘢先。唔知李梓敬係咪為咗等埋梁文廣先中招呢？我哋問過李梓敬係咪被人抄牌，佢回覆話唔講啦！