政情：八網難逃：佳節西班牙尋根？梁繼昌玩神秘

梁繼昌（右）同修道院嘅神職人員合照。（互聯網圖片）

其實，梁繼昌早前隨立法會議會聯絡小組代表團訪問英國，之後佢就留低仲見吓英國財政部同稅務局嘅官員咁，仲不忘喺愛丁堡的唯一Olympic standard 嘅游泳場館練水，為維港泳做準備，跟住就展開西班牙之旅，仲喺馬德里搭高鐵添！

• 喺西班牙中部中世紀嘅修道院住咗兩日，梁繼昌話獲得心靈洗滌。（互聯網圖片）

去修道院洗滌心靈

尋日佢喺Facebook上載幾張相同貼文，話今年中秋一個人喺外地度過，喺西班牙中部中世紀嘅修道院過咗兩天，獲得平靜、喜悅同心靈洗滌喎，仲話去到嗰度，佢嘅尋根之旅就結束嘞！點解係尋根之旅？正如佢話齋，返港後解畫。佢仲話修道院嘅神職人員們都唔係對政事不聞不問，事關佢哋好關注中梵之間嘅主教任命臨時協議。