油麻地小店乏防盜天眼 淪竊賊點心

【本報訊】南亞兵團及假難民橫行油麻地,覷準小店零保安肆虐「搵食」。在案發現場附近經營雜貨舖的女店東稱,廣東道近西貢街附近,入黑後會變得僻靜,自從有不少南亞裔人士「進駐」落區後,不法之徒便覷準上址一帶的小店,因缺乏保安設施,遂有恃無恐當街犯案,令區內治安每況愈下。她指出,單是其舖頭最近便曾三次遇竊,懷疑都是南亞賊所為,「但我哋呢啲細舖,冇裝閉路電視,佢哋撬一撬個鎖咪走入嚟偷嘢囉,每次都損失過千蚊。」另據她所知,附近有數間小店均有相同遭遇,但「一個賊都捉唔到」,對此感到無奈。

經營製作鏡畫店舖的朱先生稱,區內近年有較多南亞裔人士出入,部分會「出嚟搞搞震」,但幸好並未受到滋擾,「因為我哋做呢行,根本唔會搞我,我諗都唔會打我主意,同佢哋嘅目標差好遠」。他指南亞匪的目標多為便利店及找換店等,主要是有現金存放的店舖。至於政府當局應否停止向南亞裔假難民簽發「行街紙」,他不諱言:「如果佢哋落嚟係犯案、麻煩到人,咁就梗係唔好啦。」

街燈壞足一年 入夜黑麻麻

另有兩名經營玉石店、同姓陳的男東主指,由於附近有街道的街燈壞了一年都未有修好,故該段廣東道一入夜便「黑麻麻」,得悉今次劫案後,他們出入會加倍小心。另有玉石店職員稱,前晚事發時聽到有人大嗌「救命呀」,望出去便見一名南亞漢在街道狂奔,他指其店舖未曾遇竊,店內亦裝有「天眼」,坦言:「其實南亞人同本地人都有機會犯案,但佢哋嘅犯罪機會大啲,因為佢哋窮嘛。」

第一手消息請下載on.cc東網iPhone/iPad/Android/Windows Phone Apps