香港近年不斷沉淪，很大程度是冇靈魂政府每遇大事，都沒有意識第一時間去妥善處理，而是不斷諮詢研究，一拖再拖，即使諮詢研究有了結果，依然決而不行，無人執行；即使有人執行，卻政出多門，你推我讓，你話香港有乜辦法唔一直風風雨雨，社會冇時安寧啊！
假難民問題搞到今時今日，已變種成「南亞幫」、「南亞村」，本報一早提醒冇靈魂政府並一再敦促其正視問題，嚴肅警告即使一時間無法退出國際難民公約，至少都要重設禁閉營，以切斷假難民為禍社區的誘因，可惜言者諄諄，聽者藐藐，豈能不出事！南亞幫已成治安毒瘤，日前石硤尾街發生一宗狂徒入屋連傷四人大案，涉案南亞村村民疑因吸毒失去常性傷人；跟住又有南亞幫七煞大鬧蘭桂坊，追打貨車司機再偷洋酒，真係無法無天，惡得交關！
草此文時，手機又彈出東網即時新聞：雷霆18：港警拘四千二百八十三人，當中逾二百南亞裔。唉，幾乎每日的新聞都可見南亞裔犯案，而南亞村既是吸毒特區，又是軍械庫，更是黑幫開壇吸收兵源的道場，烏煙瘴氣，政府卻一味扮盲假裝睇唔到！好嘞，等到南亞村有村民縱火燒毀多間木屋，政府的超級近視終於睇到火光熊熊，於是召來多個部門拆屋，可惜搞完一輪「大龍鳳」，只係拆得幾間咁大把，而不是「斬草除根」，免得春風吹又生。
南亞村變成罪惡淵藪，就是特衰政府姑息養奸縱出來的，養癰遺患，無過此者。港鐵沙中線醜聞愈揭愈有，是誰令港鐵無王管，「大到不能倒」？「小爬蟲」陳浩天播獨，愈播愈胡言亂語，是誰令佢覺得自己係恐龍？仲有嗰位郭老伯卓堅，一味大玩司法覆核，玩到拖欠政府五千萬元訟費，可見政府並非一開始就追討其敗訴的訟費，才令他贏得「長洲覆核王」之名，你話呢個政府係咪廢過廢柴？