政情：公民講場：垃圾徵費未見進展黃錦星拖無可拖

政府喺舊年曾公布改善都市固體廢物收費的安排，惟至今仍未見進展。多個環保團體日前喺添馬公園抗議，批評政府拖延垃圾徵費計劃，而本港垃圾量日益增長，恐堆填區相繼飽和，要求當局喺立法會復會盡快提交垃圾徵費嘅條例草案。老實講，垃圾徵費已經拖咗十年，難怪啲環團咁氣憤要去追數，畀環團逼到埋牆角，環境局局長黃錦星先話喺立法會復會就會提交相關草案。啲環團金睛火眼咁𥄫實，黃錦星咪使旨意敷衍了事。