小剛和小柔一對師徒在同一間餐廳的廚房工作，今天師傅小剛出了一道題目給徒弟小柔想考一考她。
小剛問：「小柔，我想考一考你，你知唔知咩叫手部或前臂腱鞘炎？」
小柔不假思索就回答：「腱、俗稱『筋』，係一種用作連接肌肉和骨嘅纖維組織。腱就被腱鞘、俗稱『筋膜』包圍，腱鞘為腱提供保護和潤滑功能，令腱喺腱鞘內可以自由滑動。不過，重複同過度嘅肌腱活動會導致腱和腱鞘因摩擦而引致創傷性發炎，亦即稱為腱鞘炎。手部或前臂腱鞘炎就是指在手部或前臂部位患上腱鞘炎。」
小剛說：「好徒弟，果然平時有熟讀我畀你嘅筆記。咁我就問你一條筆記無講嘅題目，睇你平時識唔識得多留意我哋呢行嘅安全健康知識。」小剛接着問：「其實手部或前臂腱鞘炎有冇得預防呢？」
小柔皺一皺眉頭回答：「當然有啦，但點樣預防要諗一諗……」
小剛笑道：「唔緊要，等我話你聽啦。想預防，就要記住工作前後要做熱身或伸展運動，增加身體嘅柔韌性，咁樣可以有效地預防肌肉筋骨勞損。」
小柔說：「明白。」
小剛說：「除此之外，炒菜時要避免不良姿勢，例如拋鑊呢啲會令手腕關節扭轉、重複又急速嘅動作就可免則免。定時做伸展運動，可以令到關節得到適當休息。」
小柔道：「多謝師傅提點，徒弟會好好記住。」
職業安全健康局
www.oshc.org.hk