地署 房署 樹木辦 互相卸膊 塞責害命

向區議員求助 四日後始獲覆

居住現場附近徐小姐表示，事發現場的樹木一直有潛在危險性，她稱：「即使唔係打風落雨，都成日見到巴士站附近有啲樹枝跌落嚟，大大小小都有，有啲甚至有一個成人咁長。嗰度好多人會經過，街坊搭巴士或者來回街市會行過，附近又有學校，一到放學時間，就會有好多小朋友，行過隨時都會中招。」

她就此問題於去年十月六日，曾發電郵至政府「1823」求助，並清晰提到該批樹木地點，是位於「基順學校向樓梯行去消防局方向，在樓梯邊的山坡」，即今次涉事地點附近。據了解，「1823」將相關個案交予地政總署，及後再轉介至房署，但房署於同月廿日回覆稱：「本處（署）職員已巡視有關地方，並未發現有樹打橫生。房署樹木辦亦會每年定期巡查及保養邨內樹木。」徐批評：「咁即係等於冇講。」

至今年六月七日，徐落巴士後沿現場路段行回家，再發現兩條長約一米、直徑十五厘米的樹枝，掉在天橋地上，她遂用WhatsApp向區議員反映，詎料對方於四日後回覆稱：「房處（署）檢討，定期清潔。」徐苦笑稱：「真係無厘頭，想佢反映幫啲樹檢查修剪，佢就答我『定期清潔』，件事都冇解決過。」

街坊斥部門歎慢板 得過且過

至昨日即在徐提出求助後十個月，終發生今次慘劇，她對此感到既難過又憤怒，批評相關部門「歎慢板」，處事得過且過，部門間互相推卸，到最後不了了之。她形容：「今次呢個印傭係枉死，真係好慘，佢都有家庭有仔女，仲係屋企經濟支柱，我覺得有關部門係要道歉，仲要確保往後有足夠人手，定期巡查，避免意外再生。」

昨日本報記者在現場所見，介乎利安道至新利街一段新清水灣道，斜坡上長有卅棵大樹，大多枝葉茂盛，樹冠闊大，樹枝粗壯，若再有樹枝掉下，恐再造成傷亡。