政情：公民講場：黃偉綸擬屯門建屋 鄺俊宇批見縫插針

規劃署擬改劃屯門區五幅土地為高密度住宅，用嚟興建逾萬個公營房屋單位，城市規劃委員會尋日舉辦最後一場公聽會收集意見，立法會議員鄺俊宇形容屯門人滿為患，恍如被政府當作「人肉堆填區」，斥責發展局喺未完善該區嘅規劃下仍「見縫插針」起樓，影響居民生活。老實講，呢個問題真係好矛盾，政府話難覓地起樓，排公屋條隊愈嚟愈長、愈排愈耐，鄺俊宇就鬧爆發展局局長黃偉綸盲搶地，但係佢又有冇好橋畀政府解決土地荒？爭持落去，咪又係市民受苦。