中環出更：一圖分清 工記民協何啟明
早前有傳媒報道有關香港民族黨涉嫌違反《社團條例》嘅新聞，仲訪問咗工聯會（工記）立法會勞工界議員何啟明，但最後配相就出咗民協深水埗區議員何啟明嘅照片。工記何啟明為咗令大家記得佢，分辨到佢同民協何啟明，不惜自製遊戲，仲叫大家搵吓佢自己喺邊添！
自製遊戲 考大家辨別
工記何啟明喺社交網站上載咗印有多個民協何啟明同佢自己嘅圖畫，叫大家搵吓圖中究竟有幾多個工記何啟明同民協何啟明，考考大家眼力。但就連與佢同屬工記嘅立法會議員郭偉强都留言話真係好難分，即使係佢都可能搞錯咁話，真係離譜。
工記何啟明最後就開估，話圖中有八個工記何啟明，而民協何啟明就有三個。其實工記何啟明已經做咗立法會議員差不多兩年，作為立法會議員，曝光機會同知名度都應該比民協何啟明高好多。咁都畀人搞錯，真係要檢討吓喇！
卓妮