政情：公民講場：長者唔信年金 羅致光要諗計

政府落實全民退休保障冇影，但就推出終身年金計劃。不過有調查就發現，有八成五十五歲以上嘅受訪基層打工仔都表明，退休後唔會購買年金，皆因佢哋覺得年金唔係最理想嘅退休保障，坊間有更好嘅選擇。另外亦都有人擔心購買年金後積蓄所剩無幾，有急事就未必夠錢用，加上年金雖然唔會計入申請長者生活津貼資產限額，但申請綜援、長者院舍時就冇得豁免，質疑年金係「大陷阱」。勞工及福利局局長羅致光早前仲教人買年金後，再申請長生津以自製長糧，但大家似乎都唔多受落，睇嚟羅都要諗吓計推銷喇。