當男人眼甘甘望住其他靚女，醋意大發嘅女友就會即刻發嬲咁話：「你家陣係咪當我透明呀！」以前點答都係死路一條，但係家陣就可以回答：「你梗係透明啦！肌膚透明感十足，真係好似日本寫真界嗰位索女超新星呀！」隨即畀女友欣賞一下北向珠夕嘅寫真照，女友一定開心番晒！梗係啦，因為北向珠夕實在索到超晒班！
好多人都話不論係日本寫真女優定AV女優，生得靚女又好波嘅通常身材唔夠高，甚至好似哈比人咁矮細，其實呢個可能係一般人嘅偏見，事關近年已經有好多集美貌、美巨乳及修長美腿於一身嘅嫩口新人湧現，就以寫真女優為例，新進派嘅華村明日香、小倉優香、稻村亞美等都係高挑美人，今日同大家介紹嘅北向珠夕同樣係一位高妹。
今年18歲嘅北向珠夕年輕貌美，氣質純品樸素，一副鄰家少女面孔予人入世未深嘅感覺，好彩髮型同打扮夠時尚，所以睇落唔會似鄉下妹。講到身材方面，阿妹可謂擁有一副絕世靚偈，身高5呎7吋，腰幼腿長，同時上圍有一對脹卜卜嘅堅挺D奶，咁都未算，肉地結實之餘，肌膚帶透明感，唔怪得寫真業界稱佢為「壓倒性透明感之超新星」。
北向珠夕之所以生得咁高，胴體又咁健美，相信同佢自小打排球有關。喺小學二年級就開始打排球，升讀中學時更成為校隊隊員，喺第28屆全國都道府縣排球對抗大賽中打出悅目表現。可惜，後來珠夕因為受傷而被迫放棄打排球，本來佢諗住專心讀書，點知有一次去原宿行街嘅時候，其氣質以及高挑身材被藝能事務所星探睇中，於是做咗模特兒。
提到珠夕帶點簡樸氣質，事實上佢喺一次訪問當中表示自己初初由家鄉青森搬到東京居住時，顯得成個鄉下妹咁款，要一段日子至識得搭地鐵！家陣珠夕就應該冇乜嘢唔識喇，因為阿妹搬到東京之後，除咗有好多演出機會，仲獲選成為第43代旭化成集團宣傳活動女郎，另外仲做過滋賀縣守山警察署一日署長以及延岡市消防團一日消防團長，可以話見過好多大場面。近期珠夕開始拍攝水着寫真，憑住優秀身材而成為話題，相信佢將會密密拍寫真以滿足粉絲喇。
簡介：自開始拍水着寫真以嚟，北向珠夕喺呢方面嘅工作愈來愈多，從佢嘅社交網當中就可以睇到好多嘅寫真照喇。
網址：https://twitter.com/miyuukitamuki
年齡：18歲
身高：5呎7吋
三圍：34-24-35
撰文：賢