政情：公民講場：陳茂波談貿易戰 齋噏冇對策

中美貿易戰開打之後，業界普遍感受到「山雨欲來風滿樓」嘅不祥先兆。財政司司長陳茂波尋日喺網誌上話，貿易爭端已拖累年初原本全面向好嘅環球經濟氣氛，其中貿易及物流業最直接受影響，部分貿易商同喺內地設廠嘅港商，已感受到客戶因擔心前景而有意轉移訂單嘅壓力，仲估計貿易摩擦可能會持續一段時間云云。睇佢數完一輪之後，完全唔提政府有乜嘢對策幫吓業界，或抵禦今次貿易戰衝擊金融市場。只係齋噏，對策欠奉，求其搵個學者都識講喇！