政情：公民講場：土地供應受阻波波照砌

覓地建屋係現屆政府重點工作之一，但過去一段時間於改劃土地時均會遇到或多或少嘅地區阻力，有時更會遇到有人提出司法覆核。發展局局長陳茂波（波波）尋日公布新一季賣地計劃時，表示注意到有人聲稱會就某兩幅土地提出司法覆核，佢認為呢個係「拉布」程序，阻礙當局土地供應，之不過局方會充分諮詢法律意見，確保土地供應不會受不必要阻撓。言下之意，波波明知有阻力，但係為咗土地持續及穩定供應都會繼續「砌積木」，真係心口掛住個「勇」字，一鼓作氣到底嘞！