政情：何君堯烏龍 肥尹嗌做劉國勳

何君堯（圖）認錯尹兆堅係劉國勳。

肥尹笑言個樣太百搭

話說有日民主黨尹兆堅（肥尹）喺會議廳前廳休息，準備食件西瓜嘅時候，何君堯行近佢身邊就大叫「劉國勳議員」，肥尹側頭一望，指指自己：「係我啊！」何君堯先尷尷尬尬叫肥尹洋名Andrew之後行開。

當向肥尹求證時，佢就笑稱自己個樣好「百搭」，唔止被錯認做民建聯劉國勳，仲有人話佢身形似商界議員林健鋒。佢又話舊年同劉國勳撞眼鏡，大家都係戴圓形黑色膠框眼鏡，於是拿拿聲去換副復古眼鏡，點知劉國勳見到又話睇中副差唔多嘅，肥尹立刻叫唔好。

尹兆堅

劉國勳