政府擬分拆運輸及房屋局工作，局長陳帆尋日話土地同房屋政策有協同效應，如果兩者結合喺同一政策局，調撥土地發展房屋嘅工作會更便利，又話如果運房局分拆，佢希望繼續從事房屋方面嘅工作，話加入今屆問責團隊主要係希望解決房屋問題喎。老實講，公營房屋嘅供應量開始有所增加，但係近年無論基建工程、高鐵同沙中線都頻頻爆大鑊，兼且鑊鑊新鮮鑊鑊甘，依家佢打晒開口牌，擺明係要攬實啲屋，甩晒啲基建運輸炸彈喇！
