小剛與小柔剛剛加入同一間清潔公司工作，他們要清潔的工作範圍除了室內，也包括了一些戶外地方。今天，兩人一起參加公司提供的新入職安全訓練，小休時閒談了一會兒。
小柔問：「小剛，你頭先做乜瞓覺呀？」
小剛答：「唓，使乜聽啫，我都識晒。」
小柔問：「好，咁我考一考你，你知唔知乜叫熱疾病？」
小剛：「呢樣嘢呢……」
小柔道：「其實熱疾病泛指因高溫而引致嘅病症，包括咗唔同程度嘅健康狀況，由比較輕微嘅頭暈、脈搏急速，到嚴重嘅熱痙攣、熱暈厥同熱衰竭，再到可以致命嘅中暑高熱。」
小柔再問：「咁你知唔知點解會有熱疾病？」
小剛啞口無言。
小柔道：「一般嚟講人體温度會受空氣温度、運動情況及衣物多寡影響。人體正常體温約為攝氏三十七度，正常變動範圍係半度至一度左右，當體温超過三十八度，身體就會透過增加皮膚血流量及排汗散熱。當環境太酷熱或身體因體能活動而產生大量熱力，調節機能就有機會不勝負荷，過多嘅體熱無法排出至身體外而蓄積於體內，導致熱疾病。」
小柔接着說：「簡單嚟講，要預防熱疾病，記住留意天文台發出嘅酷熱天氣警告，保持身體涼快同水分充足，如果喺戶外或者酷熱環境下工作，應定時到陰涼地方休息。」
小剛：「睇嚟你頭先好專心聽書噃。」
小柔：「當然啦！」
職業安全健康局
www.oshc.org.hk