中環出更：峯搶手機無悔意 死撐「抬得起頭」
民主黨立法會議員許智峯（峯鴿）涉嫌強搶保安局女官員嘅手機，面臨被立法會彈劾，更被警方刑事調查。不過，峯鴿似乎毫無悔意，即使自爆被街坊批評行為鹵莽，但仍死撐自己「抬得起頭、腰板挺直」，又揚言會繼續追究政府出動狗仔隊嘅「違法行為」。
反而要追究政府「違法行為」
峯鴿上周五晚喺網上發文，貼出「壁立千仞、無欲則剛」八字，指立法會目前審議高鐵一地兩檢法案，而政府再次派出大量政府狗仔隊監視議員行蹤，炮轟政府做法傲慢。佢又話，自己加入立法會唔係為咗「做完政治show就收工」，仲話要「以直接行動，抵擋不公義的惡行」云云，顯然對自己強搶女官員手機一事毫無悔意。
峯鴿又自爆喺街上遇到市民同佢講「是鹵莽了」，並承認自己「做錯了」，但轉頭又話自己「抬得起頭，腰板仍挺直，心中仍有火」，又指會以法律追究政府嘅「違法行為」，還立法會應有尊嚴，換言之繼續死撐「峯搶手機」行為。
卓妮