- on.cc 東網主頁
- 4月27日 (日)
【本報訊】狼死南亞刀手當街斬人，冷靜街坊記下兇徒特徵及車牌助警追查。據目擊街坊郭先生表示，案發時在附近食肆消夜，他形容：「平治個司機好醒目o架，『嘭』一聲就跳咗出嚟，其餘嗰兩架車啲人先出嚟，當時好多人數唔到，有幾個（刀手）追住個男乘客去咗一邊（必嘉街方向），之後嗰邊就嗌晒救命！」
郭又指，因事發突然，起初未能看清刀手特徵，約一分鐘後，見到三名刀手施施然返回撞車現場，跳上一輛接應的七人車離開，由於他們逞兇後不慌不忙，故能清楚看到三名刀手均為南亞裔、戴頭套、各手持一把開山刀。他續稱因事件太過恐怖，故只停留在街頭一角靜觀其變，同時記下刀手特徵及車牌號碼等，冀能助警追查。
另外，有街坊陳先生指，當時剛巧下班返家，看到一名男子被至少三人追斬，事主中刀後初時仍能站立：「佢係咁嗌救命，嗌咗好多聲之後先跪低咗！」他又形容刀手行兇過程迅速：「架車一撞埋去，兇徒冇講過嘢就係咁斬，斬完就走。」被問及會否擔心區內治安，陳表示：「都唔驚嘅，呢度好少事發生。」
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
