政情：今日你上鏡：譚允芝公職纏身 忙到飯都冇得開

早前持續酷熱嘅天氣破晒紀錄，令人熱到冇晒心機。前幾日下午大約兩點鐘，我哋見到通訊事務局主席譚允芝一個人喺酒店內按手機，原來佢等緊司機，但係因為天氣太熱而匿埋喺酒店範圍內，一邊避暑一邊玩手機。問佢卸下香港大律師公會主席一職後，係咪比較得閒，佢就苦笑話仲有好多工作纏身，當日就連午飯都仲未食添！又呻話自己現時「乜都要做，好忙」。睇番譚允芝現時嘅公職確係唔少，佢係私人執業資深大律師、國際仲裁員，同時身兼香港旅遊發展局、西九文化區管理局及廉政公署貪污問題諮詢委員會等成員，難怪佢大呻忙到冇飯開囉！