工程界質疑港鐵監督不力

公共專業聯盟政策召集人黎廣德指出，港鐵處理西九龍站漏水問題欠妥善，首次漏水可以歸咎於工人手工欠妥善，但事後既然已修補，港鐵在「收貨」時理應徹底檢查，確保不再漏水。但車站竟在一個多月後又再漏水，更蔓延至多個樓層，情況令人擔心。

修補逾月又漏水 問題未解決

他說，「雖然試運行係要搵出問題，但搵出嚟就要去處理好，唔係搵到就算數。上次話解決咗，咁依家又漏水，係咪舊問題根本冇解決，定又有新問題？咁上一次話搞掂，係咪只係敷衍公眾嘅說話呢？」黎又認為，地底的工程有地下水滲入不出奇，但應有疏水設施排走地下水，而不是任由其「又漏又滴」。

土力工程處前處長陳健碩則指，地底工程不時會出現地下水滲漏情況，尤其是一些建築物的建造縫口，特別容易有水滲入；而用來收藏電線的線喉亦可能有雨水或地下水流入，以致室內出現漏水。他認為在建築期發現滲漏，承建商要盡快執漏；而土木工程完工後，一般亦有一年的維修保養期。

陳健碩形容天雨可說是天然的試水方式，建築物是否有滲漏可在下雨時「現形」，而西九龍站既然多次發現漏水，港鐵應在正式完工收貨前全面試水，確保萬無一失才正式啟用。