據說人的眼睛有五點七六億像素，卻總是看不透人心。確實人心叵測，好多事情並非一下子可以看清看透，之不過，有啲嘢擺喺面前，照道理說又唔係咁難猜透。呢，好似壹淫媒漢奸黎於去年六月涉刑事恐嚇東方報業集團記者，其粗言暴行全被錄影，證據確鑿，可是至今將近一年，東方及被恐嚇記者先後六次發信質詢，並要求律政司按《罪行受害者約章》回應，惟律政司還是如旱地蛤蜊──不張嘴兒，佢個律政心老朽真係猜唔透！
本報記者日前再次去信律政司，提出七條提問，要求律政司作出實質回覆。事實上，記者所提問題並非甚麼數學上的世紀難題，純粹是有碗話碗、有碟話碟的簡易答問，譬如第三題：「若律政司決定不提出檢控，應該將決定告知受害者；若提出檢控，亦應告知受害者檢控步驟以及調查進度等，為何本人從未收過律政司的相關通知？」咁嘅提問，律政司若然再「沉默是金」，除了不近人情，也違反了約章，更是嚴重失職和折射出其傲慢「擺官威」，試問這不是帶頭破壞香港的法治和司法精神嗎？
律政司一味扮盲俠，之不過盲俠耳朵會郁，識得「聽聲劍」，今律政司予人又盲又聾之感。漢奸黎涉刑恐本報記者單嘢究竟有頭緒未？再咁拖落去，難怪令人懷疑是否有人怯於外國勢力，抑或是投鼠忌器，不敢告漢奸黎？
古人說：「進一士之爵，則恐官之失賢；賞毫氂之善，必有所勸；罰纖芥之惡，必有所沮。」意思是說，晉升一個爵位，就思考自己是否用人失賢；對一個極小善舉的賞賜，一定要能起到勉人向善的作用；對一個極微惡行處罪，也一定要起到警戒世人不敢作惡的功效。然而，漢奸黎涉刑恐本報記者，明明有圖有片有真相，堂堂維護司法的律政司卻噤若寒蟬，有冇搞錯啊？咁都得？