因宣誓事件而被取消議員資格（DQ）嘅自決派劉小麗，一直遭外界質疑上訴係唔想九龍西有兩個立法會議席一齊補選，批評係「政治操作」。劉小麗日前決定撤回上訴，尋日出席電台節目時否認現時撤回上訴係「政治操作」，強調好多人認為佢應該上訴到底，係公義問題。其實佢死撐都冇用，事關當日民主派機關算盡，諗住提上訴分開補選，泛民就可全取兩席，點知同被DQ嘅姚松炎喺補選滑鐵盧，所以就算再次補選，民主派都唔一定攞得番個議席呀！
