唔怕生壞命，最怕改壞名。中環蘭桂坊原名「爛鬼坊」，因舊時外籍流氓終日醉酒同吸毒而得名，估唔到自從被假難民兵團攻陷之後，情況更加變本加厲，「人間妖域」惡名遠揚，成個香港醜出國際，真係乜嘢架都丟清光！
澳洲駐港總領事館尋日喺官方Fb發文溫馨提示，話近期男性旅客到香港娛樂場所消遣時，被犯罪集團僱用嘅女子搶劫，又或者威逼交出大量金錢嘅情況有所上升，呼籲旅客喺酒吧及夜店逗留時提高警覺，文下方仲配埋蘭桂坊嘅路牌相做配圖。咪以為巧合吖，澳洲總領事館Fb冇耐前發表抽水Po，提醒旅客搭飛機去澳洲千祈唔好攜帶過量髮Gel，可見班Admin非常熟悉香港情況，佢哋度度唔揀係揀蘭桂坊，足以證明「人間妖域」除咗係知名蒲點，亦係臭名昭著嘅罪惡黑點。
尋日凌晨之嘛，一對外籍男女就喺「人間妖域」被一名非洲醉酒漢打傷，結果血濺當場搞到要入廠。仲有吖，非洲盜竊集團近日喺「人間妖域」搵食，出動「黑珍珠」美人計，誘騙男遊客到酒店歡聚，再乘機偷取財物，先後已有多人中招，損失逾三十萬元。鬼咩，自從本地黑幫招攬南亞、非洲裔假難民做僱傭兵，睇場、開片、販毒瓣瓣齊，三日唔埋兩日爆大鑊，係人都怕怕喇！
講開假難民兵團為非作歹，淪為治安毒瘤，蘭桂坊只係冰山一角。九龍有著名嘅重慶大廈，有通州街天橋底嘅「南亞村」，有鄰近北河街、桂林街等嘅「南亞七街」；新界嘅元朗區更加係南亞幫嘅天下。假難民兵團遍布港九新界，梗有一個喺左近，市民簡直有得震冇得瞓。
話時話，天下間大把好玩又安全嘅地方，唔嚟香港大可以去第度，最慘係七百萬香港人焗住同假難民困獸鬥，呢班瘟神唔單止喺度落地生根，犯罪嘅胃口亦愈嚟愈大，手法仲愈嚟愈有組織，近年唔少持械行劫找換店、珠寶店等大茶飯，就係佢哋所為。係人都知，假難民兵團膽正命平，就算斷正坐監，有食有住有醫療照顧，仲有家鄉美食歎，咪當放個「悠長假期」囉。
講嚟講去，假難民之所以禁之不絕，歸根究柢都係港府假仁假義，寧願慷納稅人之慨供養假難民，由得佢哋成為公共財政黑洞，都唔肯退出國際難民公約或者重新設立禁閉式難民營，再咁落去，香港遲早陸沉嘅咋！
不過依家都好嘅，市民聲音港產官僚就話可以當耳邊風啫，家陣洋人開到聲鬧爆香港治安不靖，以港府崇洋媚外，懼洋如虎嘅作風，話唔定可以逼到佢哋正視問題！